Otruna version
en sus tiempos
dijo raví abravanel:
la eternidad esta yena de ojos
kuando raví abravanel se echo del puente
(los fransezes lo meldavan
los rumanos lo keriyan
los djidios lo adoraban
los pajarikos lo pikavan)
lo savemos abravanel preziado:
la eternidad
de orejas esta enchida
i de ojos
la lingua suya
se enkashó entre la espada —mui adientro entre su pecho i la pader—
—en los adientros suyos presentida—
y por favor ya no repitas la palabra «presentida»
Myriam Moscona
Ansina. Vaso Roto, 2015